終於寫到第5日啦，近來比較懶，寫左咁耐都未寫完，都去完旅行回來差不多兩個月了，真係要快啲完成個遊記佢

第5日，一大早就坐火車由大阪往東京，經過差不多三個鐘0既車程，去到東京都成下午兩點幾，咁0既時間去邊到好呢，遠0既又去唔到，唯有去啲近0既地方，就去輕井澤啦，為左省回啲時間，就將啲行李揾locker寄存先，便趕車去輕井澤，話咁快就到左輕井沢駅了。

嘩，一出閘，點解咁凍0既，睇吓個温度計，完來只得12度，唔怪之得咁鬼凍啦，都係著返件外套穏陣啲。

出閘後，便到遊客中心問吓有吔地方去，而最近又值得去0既地方就係“雲場池”，由於行路都要成半個鐘，咁唯有坐的士啦，5分鐘到就已經到，落車後，一個人都無，究竟啲度係咩地方0黎0架。

不過行行下，又發覺啲度0既風景又幾靚喎。

雖然人影都唔見多個，不過感覺好寧靜，好舒服

仲有啲小鴨0係池中暢泳0忝，你睇下佢地幾可愛

遊完“雲場池”後，便到輕井澤0既outlet行吓。

其實日本大部份0既outlet都無吔嘢睇，啲嘢又唔係平，同係出面買0既都差不多價錢，而且啲款又舊，所以我覺得如果要專登坐車去，就太浪費時間了

0係度都行左兩個幾鐘，感覺無吔特別，都係時候離開回新宿了，太陽伯伯都開始下山了

遠望山上都有好幾條滑雪道，我諗冬天都有好多遊客到這裏渡假及滑雪。

嘩，好大個咸蛋黃呀，都0係時候回車站取回行李去新宿了。

第5日0既行程就此完結。