又係懶之過，寫左幾個月都未寫完，終於寫到0黎第8日啦，仲欠兩日就寫完啦，哈哈

第8日去0左箱根，去箱根起碼要預1日時間呢...

今次去箱根，選擇坐浪漫列車，其實好方便，只要出發前一日0係小田急到預訂坐位，被埋錢就得。車到，準備出發啦!!!

由新宿駅到箱根，需時個半鐘。

行車期間，見到富士山，好靚呀

個半鐘車程，瞓吓覺，話咁快就到，第1站先去小涌谷。

跟住坐火車到強羅駅。

又上山下海啦，先坐吊車上山去最高點，稍後再下海坐船。

今次終於可以近距離見到富士山啦(我都係第1次咁近睇，哈哈)!!!!

終於去到大涌谷啦，記得第1次跟團去日本時，都有去大涌谷，不過都成十幾年前0既事了。

水滾啦，沖茶啦，嘩，小心啲呀，唔好行咁埋呀

其實一上到小涌谷，一大陣硫黃味已經樸埋0黎，其實啲味都幾難頂吓，唔聞得真係想嘔

行完小涌谷，便坐吊車落山，再轉船到箱根町港，途中可欣賞蘆芝湖。

好大架船呀!!!

落船後便到達箱根町港，那處有接駁巴士返去箱根駅返新宿。

未夠鐘有車返新宿，便到箱根駅週邊行下。被我見到咖啡雪糕，梗係要試下啦，嘩，好濃0既咖啡味呀，而且好滑0忝，好味道

今日0既行程就此告終，行完整過箱根都成五點幾，又係時候回新宿了。